تجربة هبة أسامة .. 96% في اختبار القدرات

 

 

انا عارفة ان الكلام كتير بس مفيد ان شاء الله
تجربتي في قياس
أنا من دفعة 2012-2013
ودي شوية نصايح احب اقولها للدفعات اللي بعدنا
أنا الحمد لله جبت في القياس اول مرة 96 وتاني مرة 94 (قليت بسبب شوية حاجات كده هاقلكو عليها )

أول حاجة لازم تحط في بالك ان اللي كاتبهولك ربنا هو اللي هايجيلك
يعني اعمل كل اللي عليك وتوكل على ربنا
وادعييه بإخلاص .. وانتا قلبك متيقن وواثق من إنه هايستجيبلك لأن مفيش حاجة صعبة على ربنا يحققها .. وصدقني لو دعيت وانتا نيتك كده هاتلاقي كل حاجة دعيت بيها بتحصلك وبتتحقق قدام عنيك
يعني ماتدعيش وتقول بس انا خايف برضو .. لأ طلاما طلبت من ربنا متخفش
هو مش هايضيعك

نيجي بقا للمذاكرة
لازم تحل كتيييييييييييير وتذاكر اكبر كمية تقدر عليها ومتركزش على الرياضيات وتهمل العربي او العكس وزع جهدك عالاتنين لأنك لو أهملت في حاجة هاتندم
ونوع المصادر اللي بتجيب منها الاسئلة اللي بتحلها على قد ما تقدر
وقبل الامتحان لازم تكون مخلص كل الكتب اللي جت تحت إيدك
والتمرين يبقا متواصل وعلى طول يعني خلي مخك شغال على طول
وعود نفسك على الحل بإيدك والاستغناء عالآلة الحاسبة على قد ما تقدر
حتى في المدرسة لما تحتاج تحل حاجة في الفصل وكل الطلاب يطلعو الآلة .. اعمل انتا سباق مع نفسك وحلها عالورقة وشوف هايطلع الناتج صح ولا لأ ..ده انتا ممكن تحلها اسرع منهم كمان لو اتدربت كتير

معلش انا عارفة ان الفترة اللي قبل الامتحان دي بتبقا ضغط اوي.. بس لازم تضغط على نفسك دلوقتي عشان ترتاح بعدين
والدروس على فكرة مش مهمة انا مخدتش دروس خاااااالص في المرتين
بس خد بالك لااااازم تتأكد انك عارف كل طرق الحل والقوانين وكل أنواع المسائل ودايما شوف المسائل الغريبة بتتحل ازاي .. عشان متجيش في الامتحان تكتشف ان فيه قانون مذاكرتوش زي ما انا عملت في المرة التانية
بس فيه مسائل غريبة اوي وصعبة أووووووي زيادة عن اللزوم دي متركزش فيها على فكرة
ممكن تتسلى انتا واصحابك في المدرسة وتحلو مع بعض اسئلة وبتاع تذاكرو وفي نفس الوقت متزهقوش
وخليك فاكر كل أسئلة الامتحان ممكن تحلها بنفسك وبدون آلة ولو جيت تبص هاتلاقيها سهلة حتى لو لفة شوية

في ليلة الامتحان ارتاح ونام كووووووووووووووووووويس عشان تقوم فايق ومركز
سواء كان امتحانك الصبح او المغرب النوم بالليل ده مهم جدا
لو كان امتحانك المغرب اصحى الصبح وعدي على كل القوانين اللي حفظتها ومهمة في الامتحان عشان تتأكد انك فاكرها وراجع يعني عالحجات اللي تحس انك محتاجها
اما لو كان امتحانك الصبح ممكن تعمل الحكاية دي في اليوم اللي قبليه قبل ما تنام
وبلاش المذاكرة اللي قبل الامتحان على طول دي هي فعلا مابتفيدكش بحاجة
أحسن حاجة تسترخي كده وتصفي مخك عشان تدخل الامتحان وانتا مركز
فيه نصايح كنت باسمعها عشان تزيد التركيز
وقبل ماتنام كل يوم طول فترة دراستك بقا افضل قول لنفسك انا شاطر انا مجتهد انا اقدر اجيب درجة عالية انا ذكي انا ... انا .... (عبارات تشجيعية لنفسك)
الطريقة دي بترسخ عندك فكرة انك تقدر تعمل الحاجة دي ايا كانت القياس المدرسة الكلية
يلا وربنا يوفقكو كلكو ياااارب وينولكو اللي في بالكو ويكتبلكو الخير
معلش انا رغيت كتير .. وشكرا

****

 

شارك هذه المقالةShare on LinkedInShare on Google+Tweet about this on TwitterShare on Facebook

تابع صفحتنا على فيسبوك ليصلك كل جديد